Elogio e storia de la polenta
de Arrigo Boito, citadin padovan
iscrito all'Ordine dei polentoni
La spatola,ossia l'arte de menar bene la polenta e de mettarghe el tocio. Allegoria de Arlechin Batocio moreto bergamasco e mezzo mato el qual la offre, dedica e presenta ai omeni politizi de Stato». Ghe xe na caldiera - tacada su un fogo che par una vampa - de incendio o de rogo. vissin gh'è una polvare, che par d'oro fin e qua ghè la spatola del gran Trufaldin. Scominsia el miracolo...se vede de drento levarse 'na brombola, d'arzento, d'arzento, po' subito un'altra la vien a trovar e l'acqua nel fondo scominsia a cantar. La canta, la ronfa, la subia, la fuma de qua la se sgionfa, de là la se ingruma, el fogo consuma col vivo calor le brombole in sciuma, la sciuma in vapor. La bogie, de boto, atenti, ghe semo più fiama, de soto - supiemo, supiemo. Che gusti, che zoge, la bogie, la bogie. La va, la galopa, la zira, la sciopa là fa la manfrina, farina, farina, la salta per soto, la sbrodola fora portème in cusina, farina, farina. ... Ocio ocio, oè, Batocio ! Ciappa in man tecia e caena miscia, volta, zira, mena deme el tocio, ocio, ocio. Mola, tira, tira, mola e destira e stinca e fola la xè frola - dài de qua dài dài, dài, la broa, la scota. Ahi, ahi, ahi, me son scotà la xè cota la xè cota ! Sior Florindo la se senta che xè fata la polenta. ... Dunque magnemola ghe manca el sal sal de la fiaba xè la moral. Ecco: la spatola la xè el mio estro la xè il mio genio, pronto e maestro; e quel finissimo fior de farina vol dir Rosaura e Colombina; l'acqua broenta xè el nostro cuor, e la polenta la xè l'amor.» |
Co scominsia la squaresima, ocio : polenta con poco onto, o, come i fazeva i masari de una volta, te tachi con un spago una renga infumegà sora la tavola, inciodà al sofito, e te sfreghi la feta de polenta su la renga par darghe gusto. Con do renghe te fè tuta la squaresima. ( Roberto Cucinato ) |
_clip_image002.jpg) |
